Gahe Gahe Bas Ab Yehi Ho Kia

42 views


Gahe Gahe Bas Ab Yehi Ho Kia,

Tum Se Mil Kar Bohat Khushi Ho Kia,

 

Bas Mujhe Yunhi Ek Khayal Aaya,

Sochti Ho To Sochti Ho Kia,

 

Dil Mein Wo Soz-e-Intizar Nahin,

Sham-e-Ummeed Bujh Rahi Ho Kia,

 

Ab Meri Koi Zindagi Hi Nahin,

Ab Bhi Tum Meri Zindagi Ho Kia,

 

Ab Main Sare Jahan Mein Hon Badnaam,

Ab Bhi Tum Mujhko Janti Ho Kia,

 

Kia Kaha Ishq Javedani Hai,

Aaḳhiri Baar Mil Rahi Ho Kia,

 

Mil Rahi Ho Barre Tapak K Saath,

Mujh Ko Yaksar Bhula Chuki Ho Kia,

 

Yaad Hain Ab Bhi Apne Khwab Tumhen,

Mujh Se Mil Kar Udaas Bhi Ho Kia,

 

Mere Sab Tanz Be-Asar Hi Rahe,

Tum Bohat Door Ja Chuki Ho Kia,

 

Is Samandar Pe Tishna Kaam Hon Main,

Baan Tum Ab Bhi Beh Rahi Ho Kia.

 

(Jaun Elia)



Source link

Your Thoughts are Welcome